माउण्ट सेब स्कुलमा Students' Steering Committee २०८३ को निर्वाचन सम्पन्न !

काठमाडौं, जेठ १२ । माउण्ट सेब स्कुलमा शैक्षिक सत्र २०८३ का लागि Students' Steering Committee को निर्वाचन सफलतापूर्वक सम्पन्न भएको छ । विद्यालयमा लोकतान्त्रिक अभ्यास, नेतृत्व विकास तथा विद्यार्थीहरूमा जिम्मेवारीबोधको भावना अभिवृद्धि गर्ने उद्देश्यले आयोजित उक्त निर्वाचनमा विद्यार्थीहरूको उत्साहजनक सहभागिता रहेको थियो ।

निर्वाचन परिणाम अनुसार कक्षा १० का विद्यार्थी शुभम श्रेष्ठ विद्यालयको School Captain पदमा निर्वाचित भएका छन् । त्यसैगरी, कक्षा ९ का विद्यार्थी स्वरुप तिमिल्सिना र अनिशा श्रेष्ठ School Vice Captain पदमा निर्विरोध रूपमा चयन भएका छन् ।

यसैगरी, निर्वाचन प्रक्रियाबाट ७ जना School Prefects चयन भएका छन् भने विद्यालय प्रशासनद्वारा थप ३ जना Prefects मनोनयन गरिएको छ । नवगठित Students' Steering Committee २०८३ ले विद्यालयमा अनुशासन, नेतृत्व, सहकार्य तथा विद्यार्थीहितका विविध गतिविधिहरूलाई प्रभावकारी रूपमा सञ्चालन गर्ने अपेक्षा गरिएको छ ।

विद्यालय परिवार नवनिर्वाचित तथा मनोनित सम्पूर्ण पदाधिकारीहरूलाई हार्दिक बधाई ज्ञापन गर्दै उहाँहरूको सफल, जिम्मेवार र प्रेरणादायी कार्यकालको शुभकामना व्यक्त गर्दछ । साथै, निर्वाचन प्रक्रियालाई सभ्य, मर्यादित र सफल बनाउन सहयोग पुर्‍याउने सम्पूर्ण विद्यार्थी, शिक्षक, कर्मचारी तथा अभिभावकहरूप्रति विद्यालय प्रशासनले हार्दिक धन्यवाद व्यक्त गरेको छ ।

"आजको नेतृत्व, भोलिको सफल भविष्य" भन्ने भावनासहित नवगठित Students' Students Steering ले विद्यालयको गौरव र प्रतिष्ठा अभिवृद्धिमा महत्वपूर्ण योगदान पुर्‍याउने विश्वास विद्यालय परिवारले लिएको छ ।